देशभर थप १३६ जनामा कोरोना संक्रमण पुष्टि
सेरोफेरो आज |
काठमाडौं – नेपालमा पछिल्लो २४ घण्टामा थप १३६ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार एक हजार ४२४ जनाको परीक्षणमा उक्त संख्यामा संक्रमित देखिएका हुन् । पीसीआरमा ३४ र एन्टिजेन परीक्षणमा १०२ जनामा संक्रमण पुष्टि भएको छ ।
सो अवधिमा ६८ जनाका संक्रमणमुक्त भएका छन् ।
नयाँ भेरिएन्ट देखिएसँगै संक्रमितको संख्या केही हप्तायता बढ्दो क्रममा छ ।
हाल सक्रिय संक्रमितको संख्या ४०१ पुगेको छ । मन्त्रालयको नियमित कोभिड अपडेट अनुसार हाल संस्थागत आइसोलेसनमा ३२ जना, आईसीयूमा ११ जना र भेन्टिलेटरमा ३ जना उपचाररत छन् ।
