पेट्रोलियम पदार्थको मुल्य वृद्धि, आजदेखि लागू हुने
सेरोफेरो आज |
काठमाडाैं – नेपाल आयल निगमले पेट्रोलियम पदार्थको मुल्य बढाएको छ । निगम सञ्चालक समितिको बैठकले गएरातिदेखि लागू हुने गरी पेट्रोलमा लिटरको १ रुपैयाँ तथा डिजेल र मट्टितेलमा लिटरको ४ रुपैयाँ बढाएको हो ।
मुल्य बढेपछि पहिलो वर्गमा पर्ने क्षेत्रमा अब पेट्रोलको मुल्य लिटरको १५६ रूपैयाँ ५० पैसा तथा डिजेल र मट्टीतेलको मुल्य लिटरको १४८ रूपैयाँ ५० पैसा पर्नेछ ।
दोस्रो वर्गमा पर्ने क्षेत्रमा अब पेट्रोलको मुल्य लिटरको १५८ रूपैयाँ तथा डिजेल र मट्टीतेलको मुल्य लिटरको १५० रूपैयाँ पर्नेछ । तेस्रो वर्गअन्तर्गतका क्षेत्रमा अब पेट्रोलको मुल्य लिटरको १५० रूपैयाँ तथा डिजेल र मट्टीतेलको मुल्य लिटरको १५१ रूपैयाँ पर्नेछ ।
पहिलो वर्गमा पर्ने क्षेत्रहरु चारआली, विराटनगर, वीरगन्ज, जनकपुर, अमलेखगन्ज, भलवारी, नेपालगन्ज र धनगढी यस्तै दोस्रो वर्गमा पर्ने सुर्खेत र दाङ, तेस्रो वर्गअन्तर्गत काठमाडौं, पोखरा र दिपायल रहेका छन् ।
