आजदेखि सम्पदा बस सेवा सञ्चालन
सेरोफेरो आज |
काठमाडौं – काठमाडौंमा मंगलबारदेखि सम्पदा यात्रा बस सेवा सञ्चालनमा आएको छ । काठमाडौं उपत्यकामा रहेका प्रमुख सम्पदा क्षेत्रको प्रवर्द्धन गर्ने उद्देश्यले सरकारले सुरु गरिएको बस सेवाको ललितपुरको पुलचोकमा पर्यटनमन्त्री सुदन किराँतीले शुभारम्भ गरे ।
पुल्चोकस्थीत पर्यटक बसर्पाकपार्कबाट सुरु हुने सम्पदा यात्रा बस महाकाल मन्दिर, दरबारमार्ग, नारायणहिटी दरबार, स्वयम्भू लगायतका स्थान हुँदै पुन पुलचोकसम्म आउने छ । परीक्षणका रूपमा सुरु गरिएको सम्पदा यात्रा बसको यात्रा एक सातासम्मका लागि निःशुल्क गरिएको पर्यटनमन्त्री किराँतीले जानकारी दिए ।
उनले बागमती प्रदेशसम्म समन्वय गर्दै छिटै भाडा दर तय गरिने बताए। किराँतीले सम्पदा यात्रा बस सञ्चालन गर्न पनि निकै कठिन भएको भन्दै यसलाई निरन्तरता दिनुपर्ने धारणा राखे । सम्पदा घुम्ती सेवा अन्तर्गत पहिलो चरणमा साझा यातायातका दुई वटा विद्युतीय बस सञ्चालन हुनेछन् ।
