देशभर ३ सय १२ जनामा कोरोना पुष्टि, ९ सय ११ जना सङ्क्रमणमुक्त
सेरोफेरो आज |
काठमाडाैं – पछिल्लो २४ घण्टामा देशभर तीन सय १२ जनामा काेभिड–१९ (कोरोना भाइरस) को सङ्क्रमण पुष्टि भएको छ ।
पीसीआर र एन्टिजेन विधिबाट आठ हजार ६ सय ९३ जनाको नमुना परीक्षण गरिएकोमा तीन सय १२ जनामा सङ्क्रमण देखिएको स्वास्थ्य तथा जनसङ्ख्या मन्त्रालयले जनाएको छ ।
यो कुल परीक्षणको तीन दशमलव ५८ प्रतिशतमा सङ्क्रमण पुष्टि हो । त्यस्तै २४ घण्टायता नाै सय ११ जना सङ्क्रमणमुक्त भएका छन् । थप दुई जनाको कोरोना भाइरसको सङ्क्रमणका कारण ज्यान गएको छ ।
नेपालमा अहिले १० हजार ९० जना कोरोना भाइरसका सक्रिय सङ्क्रमित रहेका छन् । यस्तै पछिल्लो २४ घण्टामा एक लाख ३५ हजार सात सय ९० जनाले कोरोनाविरुद्धको खोप लगाएका छन् ।
