देशभर थप ६ सय ३४ जनामा कोरोना संक्रमण, एक जनाको मृत्यु
सेरोफेरो आज |
काठमाडौं – नेपालमा गएकाे २४ घण्टामा कोरोनाका थप ६३४ जनामा संक्रमण पुष्टि भएको छ । यही अवधिमा थप एक जनाको मृत्यु भएको छ।
देशभर गरिएको २ हजार ७ सय ५७ पिसिआर परिक्षणका क्रममा ३ सय ४३ जना र २ हजार १ सय ९२ एन्टीजेन परिक्षणका क्रममा २ सय ९१ जनामा संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
आजको दिन थप ४१७ जना निको भएका छन् । हाल नेपालमा ४ हजार २२१ सक्रिय संक्रमित आइशोलेशनमा रहेको मन्त्रालयले जनाएको छ।
