आज सुनचाँदीको मुल्यमा गिरावट, तोलामा ७ सय रुपैयाँले घट्याे सुन

काठमाडौं – नेपाली बजारमा आइतबार सुन र चाँदीको मुल्यमा गिरावट देखिएको छ।

नेपाल सुनचाँदी व्यवसायी महासंघका अनुसार शुक्रबारको तुलनामा सुनको मुल्य प्रतितोला ७ सय रुपैयाँले घटेको छ। यससँगै छापावाल सुन प्रतितोला ९५ हजार १ सय रुपैयाँमा आइपुगेको छ भने तेजावी सुनको भाउ पनि घटेर ९४ हजार ६ सय रुपैयाँमा झरेको छ।

आइतबार चाँदीको भाउ पनि प्रतितोला १५ रुपैयाँले घटेको छ। चाँदी प्रतितोला ११६० रुपैयाँमा कारोबार भइरहेको छ।