केही महिनाअगाडी थप्पड खाएका फ्रान्सका राष्ट्रपति म्याक्रोनमाथि पुनः अण्डा प्रहार
सेरोफेरो आज |
पेरिस – अन्तर्राष्ट्रिय खाद्य समारोहमा पुगेका फ्रान्सका राष्ट्रपति इम्यानुअल म्याक्रोनमाथि एक व्यक्तिले अण्डा प्रहार गरेका छन् । प्रहार गरिएको अण्डा उनको कुममा लागेर अगाडि पट्टी भुईमा खसेर फुटेको जनाइएको छ । यसअघि २०१७ मा राष्ट्रपति चुनावका बेलामा पनि उनलाई एक व्यक्तिले अण्डा हानेका थिए ।
त्यस समय अण्डा उनको टाउकोमै फुटेको थियो । त्यस्तै गत जुनमा मात्र उनी दक्षिणपूर्वी फ्रान्स गएका बेला सर्वसाधारणको भीडमा एक व्यक्तिले आएर गालामा थप्पड पनि हानेका थिए । उक्त घटना येतीबेला सामाजिक सञ्जालमा भाइरल भैरहेको छ ।
त्यस लगत्तै सुरक्षाकर्मीहरुले हस्तक्षेप गरि ती व्यक्तिलाई पक्राउ गरे र उनलाई चार महिनाको जेल सजाय तोकिएको छ । सो घटनालाई म्याक्रोनले हिंसात्मक र मूर्खतापूर्ण भनि व्याख्या गरेका हुन् ।
