कोरोना अपडेट : देशभर थप १ सय ७७ जनामा संक्रमण पुष्टि
सेरोफेरो आज |
काठमाडाैं – पछिल्लो २४ घण्टामा नेपालमा एक सय ७७ जनामा कोरोना भाइरसको संक्रमण पुष्टि भएको छ ।
पीसीआर र एन्टिजेन गरी तीन हजार एक सय २६ जनाको नमुना परीक्षण गर्दा एक सय ७७ जनामा सङ्क्रमण देखिएकाे स्वास्थ्य तथा जनसङ्ख्या मन्त्रालयले जनाएको छ ।
यही अवधिमा ४१ जना सङ्क्रमित निको भएका छन् । निको हुनेको तुलनामा थपिनेको सङ्ख्या धेरै हुँदा सक्रिय सङ्क्रमितको सङ्ख्या आठ सय ७३ जना पुगेको छ ।
कोरोना सङ्क्रमणका कारण २४ घण्टामा कसैको पनि ज्यान गएको छैन । थप ६४ हजार नाै सय सात जनाले कोरोनाविरुद्धको खोप लगाएका स्वास्थ्य मन्त्रालयले जनाएको छ ।
