ट्याक्टर दुर्घटनामा एक जनाको मृत्यु, २ घाइते
सेरोफेरो आज |
कैलाली – कैलालीको मोहन्याल गाउँपालिका-५ तालबन्दमा शनिबार बेलुकी ट्याक्टर दुर्घटना हुँदा एक जनाको मृत्यु भएको छ। २ जना घाइते भएका छन्।
मृत्यु हुनेमा ट्याक्टरमा सवार कैलालीकै गौरीगंगा नगरपालिका-७ का ४५ वर्षीय चक्र जेठारा रहेका छन्। धनगढीस्थित सेती प्रादेशिक अस्पताल उपचारका क्रममा गएराति साढे १० बजे उनको मृत्यु भएको हो।
घाइते भएका मोहन्याल गाउँपालिका-५ कै २० वर्षीया निर्मला रोका मगर र ४० वर्षीया गौमती विकको सोही अस्पतालमा उपचार भइरहेको छ।
से २ त २८५० नम्बरको ट्याक्टर शनिबार बेलुकी पौने ८ बजे अनियन्त्रित भई पल्टिएको थियो। ट्याक्टरसहित चालकलाई प्रहरीले नियन्त्रणमा लिएको छ।
