कोरोना संक्रमण : थप एक जनाको मृत्यु, ४३ संक्रमित
सेरोफेरो आज |
काठमाडौं – नेपालमा पछिल्लो २४ घण्टामा थप ४३ जना कोरोना संक्रमित थपिएका छन् ।
स्वास्थ्य तथा जनसंख्या मन्त्रालयले दिएको जानकारी अनुसार पछिल्लो २४ घण्टामा १ हजार ३०१ नमूना परीक्षण गर्दा थप ४३ जनामा संक्रमण पुष्टि भएको हो । योसंगै सक्रिय संक्रमितको संख्या २०२ पुगेको छ ।
त्यस्तै, वितेको २४ घण्टामा कोरोना संक्रमणकै कारण थप एक जनाको ज्यान गएको छ भने ५० जना निकाे भएका छन् ।
काठमाडौं उपत्यकामा संस्थागत आईसोलेसनमा २६ जना र आईसीयूमा १२ जना र भेन्टिलेटरमा राखेर एक जना संक्रमितको उपचार भइरहेको मन्त्रालयले जनाएको छ ।
