जापानमा भएको सडक दुर्घटनामा दुई नेपालीको मृत्यु
सेरोफेरो आज |
टोक्यो : जापानमा सेन्दाईमा भएको सडक दुर्घटनामा परी दुई नेपाली विद्यार्थीसहित तीन जनाको मृत्यु भएको छ। जापानको कुहिारास्थित उत्तर-पूर्वी राजमार्गमा इन्जिनमा समस्या आएपछि बस रोकिएको थियो। राजमार्गमा रोकिएको बसलाई ट्रकले ठक्कर दिएको थियो।
सोही बसमा रहेका दुई नेपाली र बस चालकको मृत्यु भएको जापान टाइम्सले उल्लेख गरेको छ। उनीहरूको नाम भने खुलेको छैन। मंगलबार राति करिब ८:१० बजे तिर ट्रकले ठक्कर दिँदा बसमा ३९ जना नेपाली र एक बंगलादेशी विद्यार्थी बस बाहिर थिए।
त्यहाँ भएका केही विद्यार्थी मियागीमा भाषा पढिरहेका र पार्ट टाइम काम गर्न इवाते प्रिफेक्चरतिर गइरहेका थिए। बस ड्राइभर एक जापानी करिब ५० वर्षीय महिला थिइन्। ठक्कर दिने ट्रक ओमोरी प्रिफेक्चरको भएको र करिब ३० वर्षीय ड्राइभर पनि गम्भीर घाइते भएको अन्तर्राष्ट्रिय सञ्चार माध्यमले जनाएका छन्।
