नयाँदिल्लीको प्रहरी स्टेसनमा आगलागी, ४०० बढी सवारी जलेर नष्ट
सेरोफेरो आज |
नयाँदिल्ली – भारतको राजधानी दिल्लीमा सोमबार भएको भीषण आगलागीमा चार सय भन्दा बढी निजी सवारीसाधन जलेर नष्ट भएका छन् । स्थानीय अग्नि सेवा विभागका अनुसार उत्तरी दिल्लीको वजिराबाद प्रहरी स्टेसनको एउटा भण्डारमा आगलागी भएको हो ।
गोदाममा राखिएका गाडीमा आगलागी भएको हो । ट्राफिक नियम उल्लंघन गरेको र दुर्घटनामा संलग्न रहेको भन्दै प्रहरीले विभिन्न समयमा नियन्त्रणमा लिएको गाडी जलेको बुझिएको छ । आगलागीको कारण भने खुलेको छैन ।
