थप २२ जनामा कोरोना संक्रमण पुष्टि, ११२ सक्रिय संक्रमित
सेरोफेरो आज |
काठमाडौं – पछिल्लो २४ घन्टामा थप २२ जनामा कोरोना संक्रमण पुष्टि भएको छ। देशभर १६५५ नमूनाको पीसीआर र १०९८ एन्टिजेन विधिबाट परीक्षण गरिएको थियो।
जसमध्ये पीसीआरबाट १२ र एन्टिजेन विधिबाट १० जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ।
बिहीबार कोरोनाबाट कसैको पनि मृत्यु नभएको मन्त्रालयले जनाएको छ। आज थप ९ जना कोरोनामुक्त भएका छन्।
मन्त्रालयका अनुसार पछिल्लो २४ घन्टामा १ लाख १७ हजार ११७ जनाले कोरोनाविरुद्धको खोप लगाएका छन्। हाल ११२ जना सक्रिय संक्रमित रहेका छन्।
