कोरोना भाइरस : थप ६२ जनामा संक्रमण, बढ्दो क्रममा संक्रमित
सेरोफेरो आज |
काठमाडाैं – नेपालमा पछिल्लो समय कोरोना संक्रमित बढ्दै गएका छन् । पछिल्लो २४ घण्टामा थप ६२ जनामा संक्रमण पुष्टि भएको हो ।
स्वास्थ्य तथा जनसंख्या मन्त्रालयका अनुसार एक हजार ६२० नमूना परीक्षणमध्ये ५१ जनामा पीसीआर र ११ जनामा एन्टिजेन पोजिटीभ देखिएको हो । पछिल्लो २४ घण्टामा कुनै पनि संक्रमितको मृत्यु भएको छैन ।
हालसम्मको मृत्यु संख्या ११ हजार ९५२ छ । मन्त्रालयका अनुसार थप १९ जना संक्रमणमुक्त भएका छन् । हाल मुलुकभर २६१ सक्रिय संक्रमित छन् ।
