थप २०६ जनामा कोरोना संक्रमण पुष्टि, तीनको मृत्यु
सेरोफेरो आज |
काठमाडौं – पछिल्लो २४ घण्टामा थप २०६ जनामा कोरोना सङ्क्रमण पुष्टि भएको छ। स्वास्थ्य तथा जनसङ्ख्या मन्त्रालयका अनुसार कुल दुई हजार ८६९ जनाको कोरोना परीक्षण गर्दा २०६ जनामा सङ्क्रमण पुष्टि भएको हो।
एक हजार ५९५ जनाको पीसीआर परीक्षण गर्दा १३४ र एक हजार २७४ जनाको एन्टिजेन परीक्षण गर्दा ७२ जनामा कोरोना सङ्क्रमण देखिएको मन्त्रालयले जनाएको छ।
स्वास्थ्य मन्त्रालयका अनुसार पछिल्लो २४ घण्टामा ३९८ जना सङ्क्रमणमुक्त भएका छन् भने सो समयमा तीनजना सङ्क्रमितको मृत्यु भएको छ। त्यस्तै, हाल मुलुकमा सक्रिय सङ्क्रमितको सङ्ख्या दुई हजार ८९१ छ।
