कोरोना अपडेट : देशभर थप ११९ जनामा संक्रमण पुष्टि

काठमाडौं – पछिल्लो २४ घण्टामा थप ११९ जनामा कोरोना संक्रमण पुष्टि भएको छ ।

स्वास्थ्य तथा जनसंख्या मन्त्रालयका अनुसार चार हजार ८४ जनाको नमूना परीक्षण गर्दा सो संख्यामा कोरोना पुष्टि भएको हो । ८९ जनामा पिसीआरबाट र ३० जनामा एन्टीजेनबाट संक्रमण देखिएको छ ।

पछिल्लो २४ घण्टामा १३० जना संक्रमणमुक्त भएका छन् भने कसैको मृत्यु भएको खबर छैन । हाल २ हजार १९१ जना सक्रिय संक्रमित रहेको मन्त्रालयले जनाएको छ ।