एनपिएल : काठमान्डु गुर्खाजमाथि चितवन राइनोजको सानदार जित

काठमाडौं – सिद्धार्थ बैंक नेपाल प्रिमियर लिग एनपिएलमा चितवन राइनोजले विजयी सुरुवात गरेकाे छ । कीर्तिपुरस्थित त्रिवि क्रिकेट मैदानमा आज भएको खेलमा काठमान्डु गुर्खाजमाथि चितवनले ५ विकेटको जित दर्ता गरेको हो ।

११२ रनको लक्ष्य पछ्याएको चितवनले १७.१ ओभरमा ५ विकेट गुमाउँदै पूरा गरेको हो । चितवनको जितका लागि सोहेल तानभीर एक्लैले काठमान्डु गुर्खाजको पाँच विकेट लिएका थिए। सोहेलले ४ ओभरमा ५ को इकोनोमीमा २१ रन मात्र दिएर ५ विकेट लिएका हुन् ।

यसैगरी चितवनका लागि रिजन ढकाल, लुक बेनकेन्स्टेन, अमर रौतेला र कुशल मल्लले एक-एक विकेट लिए । विजयी चितवनको लागि सन्तोश कार्कीले २८, लुक बेनकेन्स्टेनले २२, हसन इसाखिलले १२, कुशल मल्ल र शरद भेष्वाकरले सम्मान ११-११ रन बनाए ।

काठमान्डु गुर्खाजका लागि सुमित महर्जनले २९ रन बनाए भने माइकल लेभिटले २५ रन बनाए । यसका साथैं डेनियल डथवेटले १९ रन बनाए भने शंकर राणाले १६ रन बनाउनु बाहेक काठमान्डु गुर्खाजका लागि अन्य कुनै पनि ब्याट्सम्यानले दोहोरो अंकमा रन जोड्न सकेनन् । बलिङतर्फ काठमान्डु गुर्खाजका लागि शाहब आलमले ३ विकेट लिए भने गेर्हार्ड इरास्मस र डेनियल डथवेटले १-१ विकेट लिए ।