नेपाल टी-२० लाई आइसीसीको मान्यता
सेरोफेरो आज |
काठमाडौं – फ्रेन्चाइजी लिग नेपाल टी-२० लाई अन्तर्राष्ट्रिय क्रिकेट परिषद (आइसीसी) ले मान्यता दिएको छ । नेपाल क्रिकेट संघ (क्यान) ले संचालन गर्न लागेको नेपाल टी-२० लाई आइसीसीले मान्यता दिएसँगै प्रतियोगिता हुने सुनिस्चित भएको जनाएको हाे ।
क्यानका अनुसार यो प्रतियोगिता सेप्टेम्बर २० देखि अक्टोबर २२ सम्म काठमाडौंमा हुने छ । क्यानले नेपाल टी-२० प्रतियोगिताका लागि भारतीय कम्पनी सेवेन ३ स्पोर्ट्सलाई साझेदार नियुक्त गरेको छ ।
क्यानले अन्य निजि लिगलाई प्रतिबन्ध लगाएर आफैले टी-२० लिग गर्न लागेको हो । क्यानको यो निर्णयमा निजि लिग संचालकहरु विरोधमा छन् र उनीहरुले सर्वोच्चमा मुद्धा समेत दायर गरेका छन् ।
