१७ लाख लिएर सम्पर्क विहिन भएकी श्रेष्ठ पक्राउ
सेरोफेरो आज |
काठमाडौं – रोमानिया पठाइ दिने भन्दै रकम ठगी गरेको अभियोगमा प्रहरीले एक जना महिलालाई पक्राउ गरेको छ ।
पक्राउ पर्नेमा काभ्रेपलाञ्चोक नमोबुद्ध नगरपालिका-४ घर भई हाल भक्तपुर सूर्यविनायक नगरपालिका-५ सल्लाघारी बस्ने २० वर्षीया पुनमाया श्रेष्ठलाई सोमबार प्रहरीले पक्राउ गरेको हो ।
रोमानियाको फुड प्याकेजिङमा मासिक ७५ हजार रुपियाँ तलब पाउने गरी काममा लगाई दिने भन्दै प्रतिव्यक्ति ६ लाख लाग्ने भन्दै विश्वास दिएर पीडितबाट १७ लाख ७५ हजार रुपियाँ लिएर सम्पर्क विहिन भएकी श्रेष्ठलाई काठमाडौं उपत्यका अपराध अनुसन्धान कार्यालय मिनभवनबाट खटिएको प्रहरीको टोलीले पक्राउ गरेको हो ।
श्रेष्ठलाई थप अनुसन्धानका लागि वैदेशिक रोजगार विभाग बुद्धनगर पठाइएको प्रहरीले जनाएको छ ।
