प्रवेशाज्ञा बिना नेपाल आएका दुई बंगलादेशी पक्राउ
सेरोफेरो आज |
झापा – प्रवेशाज्ञा बिना नेपाल प्रवेश गरेको अभियोगमा दुई जना बङ्गलादेशी नागरिक काँकडभिट्टाबाट पक्राउ परेका छन् । सशस्त्र प्रहरी बलको सतिघट्टा बोर्डर आउट पोस्टको टोलीले उनीहरुलाई बुधबार साँझ पक्राउ गरेको हो ।
आफ्नो परिच खुल्ने कुनै कागतपत्र नभएका उनीहरुका साथबाट एक हजार पाँच सय टाका र दुई थान मोबाइल बरामद भएको सशस्त्र प्रहरी बल २ नं. गणका सूचना अधिकारी महेशराज बिष्टले बताए ।
उनीहरुलाई काँकडभिट्टास्थित अध्यागमन कार्यालयमा बुझाइएको छ। उक्त कार्यालयले बिहीबार उनीहरुलाई काठमाडौंस्थित अध्यागमन विभाग पठाउने जनाएको छ ।
