पेस्तोल र तीन राउण्ड गोलीसहित एकजना पक्राउ
सेरोफेरो आज |
भक्तपुर – प्रहरी परिसर भक्तपुरले लोड गरिएको तीन राउण्ड गोली र एक थान पेस्तोलसहित आज एक जनालाई पक्राउ गरेको छ ।
काभ्रेपलाञ्चोकको पनौती नगरपालिका-१ स्थायी घरभई हाल सूर्यविनायक नगरपालिका-८ रानीकोट बस्दै आएका ३६ वर्षीय प्रेम तामाङले हतियार बोकी हिडिरहेको छ भन्ने विशेष सूचनाको आधारमा प्रहरीले उनलाई पक्राउ गरेको छ ।
प्रहरी परिसर भक्तपुरका सूचना अधिकारी एवं प्रहरी नायब उपरीक्षक ढुण्डीराज नेउपानेका अनुसार तामाङलाई घरबाटै तीन राउण्ड गोली लोड भएको मेड इन यूएसए लेखिएको पेस्तोलसहित पक्राउ गरिएको हो । तामाङमाथि थप अनुसन्धान सुरु गरिएको उनले बताए ।
