थप १९ जनामा कोरोना संक्रमण पुष्टि, १८ जना संक्रमणमुक्त

काठमाडौं – पछिल्लो २४ घण्टामा देशभर थप १९ जनामा कोरोना संक्रमण पुष्टि भएकाे छ । चार हजार १९७ वटा स्वाब नमुनाको परीक्षण गर्दा सो संख्यामा संक्रमित थपिएका हुन् ।

यो अवधिमा १८ जना संक्रमणमुक्त भएका छन् । हाल देशभर सक्रिय संक्रमितको संख्या १४९ छ ।

कोरोनाका सक्रिय संक्रमित सबैजना होम आइसोलेसनमा रहेका स्वास्थ्य तथा जनसंख्या मन्त्रालयले मंगलबार जनाएको छ ।

मन्त्रालयका अनुसार अहिले देशका कुनै पनि अस्पतालमा कोरोना संक्रमित भर्ना भएर उपचाररत छैनन् ।