नारायणगढ-मुग्लिन खण्डमा पहिराे, सडक अवरुद्ध
सेरोफेरो आज |
काठमाडाैं – पहिरोका कारण नारायणगढ-मुग्लिन सडक खण्ड बन्द भएको छ । भरतपुर महानगरपालिका वडा नम्बर २९ मा आज साेमवार बेलुका ५ बजेतिर पहिरो खसेपछि यो सडक खण्डमा गाडी चल्न सकेका छैनन् ।
लेदोसहितको ठूलै पहिरो खसेकाले पहिरो पन्छाएर गाडी सञ्चालन गर्न अझै एक/दुई घण्टा जति लाग्ने जिल्ला प्रहरी कार्यालय चितवनले जनाएको छ ।
पहिरोका कारण नारायणगढ-मुग्लिन सडक खण्ड भएर चल्ने गाडी बीच बाटोमै रोकिएका छन् । अहिले सडकमा गाडीको लामो लाइन लागेको छ । पहिरो पन्छाउनका लागि पहल भइरहेको प्रहरीले जनाएको छ ।
