व्यक्ति अपहरण गरी फिरौती माग्ने ६ जना पक्राउ
सेरोफेरो आज |
काठमाडाैं – एक व्यक्तिलाई अपहरण गरेर ७ लाख फिरौती माग्ने ६ जनालाई दाङ प्रहरीले पक्राउ गरेको छ ।
काठमाडौंबाट दैलेख जाँदै गरेका केशवकुमार विकलाई फेसबुकमा चिजान भएकी निर्मला भन्ने महिलाले बुटवलमा झर्न भनेर अपहरण गरेको अभियोग ६ जनालाई प्रहरीले पक्राउ गरेको हो ।
पक्राउ पर्नेमा दाङ बबई गाउँपालिका-३ का ३५ वर्षीय लिलाराम विक, नेपबहादुर घर्ती तुलसीपुर उपमहानरपालिका-४ का २५ वर्षीय, सुकलाल विक, कपिलवस्तु शिवराज महानरपालिका-९ का २० वर्षीय मनोज थारु, प्युठान गौमुखी गाउँपालिका-७ का स्करपियो चालक जनक कुँवर र तुलसीपुर उमहानरपालिका-७ की २६ वर्षीया निर्मला विश्वकर्मा छन् ।
निर्मला र केशवकुमारको फेसबुकमा चिनजान भएको उनले बुटवलबाट स्करपियोमा राखेर तुलसीपुर उपमहानरपालिका-५ सल्यानरोडमा रहेको एउटा होटलको १०६ नम्बर कोठामा बन्दक बनाएको जिल्ला प्रहरी कार्यालय दाङका प्रवक्ता डीएसपी राजनकुमार गौतमले जानकारी दिए ।
