आफ्नै बुवाको हत्या गरेको अभियोगमा पक्राउ
सेरोफेरो आज |
कञ्चनपुर – आफ्नै बुवाको हत्या गरेको अभियोगमा एक जना पक्राउ परेका छन् ।
आफ्नै ७१ वर्षीय बुवा धन बहादुर खड्काको हत्या गरेको अभियोगमा पुनर्वास नगरपालिका-४ कार्कीचोक बस्ने ३० वर्षीय गणेश बहादुर खडकालाई मंगलबार बिहान प्रहरीले पक्राउ गरेको हो ।
घरायसी झै-झगडा हुँदा गणेशले गएराति काठको लाठीसमेतले प्रहार गरी बुवाको हत्या गरेको भन्ने खबर प्राप्त हुनासाथ ईलाका प्रहरी कार्यालय त्रिभुवनबस्तीबाट खटिएको प्रहरीले उनलाई पक्राउ गरेको हो ।
यस सम्बन्धमा प्रहरीले थप अनुसन्धान गरिरहेको बताएको छ ।
