आठौं रेडिअन्ट कप बास्केटबल प्रतियोगिता भोलिदेखि, ४८ टिम सहभागी [तालिकासहित]
सेरोफेरो आज |
काठमाडौं – आठौं रेडिअन्ट कप अन्तरविद्यालय बास्केटबल प्रतियोगिता सोमबारदेखि सुरु हुने भएको छ । रेडिअन्ट पब्लिक बोर्डिङ स्कुलको आयोजनामा हुने प्रतियोगितामा जम्मा ४८ टिमको सहभागिता रहनेछ ।
सिनियर ब्वाइजमा २४ तथा जुनियर ब्वाइज र सिनियर गर्ल्समा समान १२–१२ टिम सहभागी हुने रेडिअन्टका प्रिन्सिपल सूर्यबहादुर केसीले आइतबार आयोजित पत्रकार सम्मेलन जानकारी गराए । सिनियर ब्वाइजलाई ८ तथा जुनियर ब्वाइज/सिनियर गर्ल्सलाई ४ समूहमा विभाजन गरी लिग कम नकआउट आधारमा खेल खेलाइनेछ ।
सिनियर ब्वाइज/गर्ल्समा निम्स तथा जुनियर ब्वाइजमा आयोजक रेडिअन्ट डिफेन्डिङ च्याम्पियन हुन् । प्रतियोगिता सञ्चालन गर्न करिब ३ लाख खर्च हुने रेडिअन्टकी भाइस प्रिन्सिपल सुभद्रा कुँवरले जानकारी गराइन् ।
कात्तिक २९ गतेसम्म चल्ने प्रतियोगिताका खेलहरु स्युचाटारस्थित आयोजककै कोर्टमा खेलाइनेछ । प्रतियोगिताको एक संस्करण २०७२ सालको भूकम्प तथा दुई संकरण कोभिडका कारण सम्भव नभएको आयोजकले जनाएको छ ।
यस्तो छ खेल तालिका :
