चार्ल्स तृतीयको राज्याभिषेकमा सहभागी हुन राष्ट्रपति पौडेल बेलायत जाने
सेरोफेरो आज |
काठमाडौं – राष्ट्रपति रामचन्द्र पौडेल बेलायत जाने भएका छन् । बेलायती राजा चार्ल्स तृतीयको राज्याभिषेक समारोहमा सहभागी हुन उनी बेलायत जाने भएका हुन् ।
राजा चार्ल्सको राज्याभिषेक आगामी वैशाख २३ गते हुँदैछ । यसका लागि राष्ट्रपति पौडेल वैशाख २१ गते बेलायत प्रस्थान गर्ने कार्यक्रम रहेको राष्ट्रपति कार्यालयका एक सहयोगीले जानकारी दिए ।
राष्ट्रपतिमा निर्वाचित भएपछि पौडेलको यो पहिलो विदेश भ्रमण हुनेछ । भ्रमण दलका को-को सहभागी हुने भन्ने विषयमा अहिले नै कुनै जानकारी गराइएको छैन । तीन दिनसम्म चल्ने राज्याभिषेक समारोहमा राष्ट्रपति पौडेल पनि विशिष्ट अतिथिकोरुपमा सहभागी हुने बताइएको छ ।
गत सेप्टेम्बरमा महारानी एलिजावेथ द्वितीयाको निधन भएपछि चार्ल्स बेलायतको राजसिंहासन विराजमान भएका थिए ।
