हिजो अहिलेसम्मकै उच्च भएको सुनको मुल्य आज घट्यो, कतिमा हुँदैछ कारोबार ?

काठमाडाैं – नेपाली बजारमा आज सुनको मुल्य घटेको छ । हिजो मुल्य बढेर अहिलेसम्मकै उच्च भएको सुन आज तोलामा तीन सय रुपैयाँले घटेको हो ।

हिजो एकैदिन तोलाको दुई हजार एक सय रुपैयाँले बढेर अहिलेसम्मकै उच्च एक लाख ५० हजार ८ सय रुपैयाँ पुगेको सुनको मुल्य आज घटेर तोलाको एक लाख ५० हजार पाँच सय रुपैयाँ कायम भएको नेपाल सुनचाँदी व्यवसायी महासङ्घले जनाएको छ ।

त्यस्तै आज चाँदीको मुल्य पनि घटेको छ । हिजो तोलामा २५ रुपैयाँले बढेर एक हजार सात सय ४० रुपैयाँ पुगेको चाँदीको मुल्य आज तोलामा पाँच रुपैयाँ घटेको महासङ्घले जनाएको छ । चाँदीको मुल्य आज तोलाको एक हजार सात सय ३५ रुपैयाँ कायम भएको छ ।