नेपाली कांग्रेसका ३ नेता निलम्बित
सेरोफेरो आज |
काठमाडाैं – नेपाली कांग्रेसले ३ जना नेतालाई निलम्बन गरेको छ ।
मंसिर ४ मा हुने प्रदेशसभा तथा प्रतिनिधिसभा निर्वाचनमा बारा क्षेत्र नम्बर–४ का गठबन्धनका साझा उम्मेदवार कृष्णकुमार श्रेष्ठविरूद्ध प्रचार गर्दै हिडेको उजुरीको आधारमा उनीहरूलाई निलम्बन गरिएको कांग्रेसले बताएको छ ।
कांग्रेसको केन्द्रीय अनुशासन समिति संयोजक आनन्दप्रसाद ढुंगानाले शनिबार प्रेस विज्ञप्ति जारी गरेर पार्टी सदस्यसमेत नरहने गरी उनीहरुलाई निलम्बन गरिएको बताएका छन् ।
निलम्बनमा पर्नेहरूमा बारा जिल्लाका उपसभापति अमिरीलाल राउत, जिल्ला सदस्य हरिप्रसाद थपलिया र क्षेत्रीय प्रतिनिधि सुशील ढोडारी रहेका छन् ।
