सडक निर्माणका क्रममा ढुंगाले लागेर बालिकाको मृत्यु
सेरोफेरो आज |
बागलुङ – बागलुङको गलकोट नगरपालिका-१ दुदिलाभाटीमा ढुंगाले लागेर १ बालिकाको मृत्यु भएको छ।
शनिबार बा १ क ४९०९ नम्बरको जेसीबीले सडक निर्माण गरिरहँदा खसेको ढुंगाले लागेर सोही स्थानका डिल बहादुर भण्डारीकी ७ वर्षीया छोरी आरोही भण्डारीको घटनास्थलमै मृत्यु भएको जिल्ला प्रहरी कार्यालय बागलुङका प्रहरी नायव उपरीक्षक मदन केसीले बताए।
जेसिबीले ढुंगा फोडिरहेको ढुंगा उछिट्टिएर झण्डै १ सय मिटर तल पुग्दा बाटोमा हिँडिरहेकी बालिकालाई लागेर घटनास्थलमै मृत्यु भएको प्रनाउ केसीले बताए।
जेसीबी चालक सिन्धुपाल्चोक इन्द्रावती गाउँपालिकाका सुजन माझीलाई नियन्त्रणमा लिई अनुसन्धान भइरहेको प्रहरीले जनाएको छ।
