मुगुमा पहिरोको डिलबाट जीप खस्दा दुईको मृत्यु, सात जना घाइते
सेरोफेरो आज |
मुगु – मुगुमा जीप दुर्घटना हुँदा दुई जनाको मृत्यु भएको छ । सोरु गाउँपालिकामा भएको दुर्घटनामा सात जना घाइते भएका छन्।
सोरुकोटदेखि गमगढीतर्फ जाँदै गरेको ग१ज ७७६२ नम्बरको जीप पहिरो नजिकैको डिलबाट करिब २ सय मिटर तल खस्दा दुई जनाको घटनास्थलमै मृत्यु भएको र सात जना घाइते भएको सोरुकोट प्रहरी चौकीले जनाएको छ।
मृतक र घाइतेको पहिचान हुन नसकेको प्रहरीले जनाएको छ। घाइतेहरूको उद्धारको लागि सोरुकोट प्रहरी चौकी र तारापानी प्रहरी चौकीको प्रहरी टोली घटनास्थलतर्फ खटिएको छ।
घाइतेलाई उपचारको लागि जिल्ला अस्पताल ठिनी लैजान जिल्ला प्रहरी कार्यालयले दुई एम्बुलेन्स घटनास्थलतर्फ पठाएको छ।
