सिन्धुली जीप दुर्घटनामा ज्यान गुमाउनेको सङ्ख्या तीन पुग्यो
सेरोफेरो आज |
काठमाडाैं – सिन्धुलीमा भएकाे जीप दुर्घटनामा ज्यान गुमाउनेको सङ्ख्या तीन पुगेको छ । ११ जना घाइते भएका छन् ।
बीपी राजमार्गको सिन्धुलीमाडी खुर्कोट खण्ड अन्तर्गत कमलामाइ नगरपालिका २ चियाबारी नजिकै बा २० च ८२८३ नम्बरको जीप दुर्घटना हुँदा गोलन्जोर गाउँपालिका ६ का पृथ्वी भुजेल, उदयबहादुर मस्राङ्गगी र पवन मस्राङ्गगीको ज्यान गएको हो ।
गोलन्जोर गाउँपालिकाको–६ को हैबार नाकाझोलीबाट सदरमुकाममा तरकारी तथा खाद्यान ओसार पसार गर्ने गाडी दुर्घटनामा परेको हो । घाइते ११ जनामध्ये चार जनाको अवस्था गम्भीर रहेकाले थप उपचारको लागि धुलिखेल अस्पताल पठाइएको जिल्ला प्रहरी कार्यालय सिन्धुलीले जनाएको छ ।
