आजको मौसम: देशको केही भू-भागमा आंशिक बदली
सेरोफेरो आज |
काठमाडौं – हाल देशमा उल्लेखनीय मौसमी प्रणाली नभएको मौसम पूर्वानुमान महाशाखाले जनाएको छ । देशको पहाडी भू-भागमा आंशिक बदली रहेको छ ।
शुक्रबार प्रदेश-१, बागमती प्रदेश र गण्डकी प्रदेशको पहाडी भू-भागमा आंशिक बदली र बाँकी भू-भागमा मौसम सामान्यतया सफा रहनेछ ।
शनिबार दिउँसो : प्रदेश-१ को पहाडी भू-भागमा आंशिक बदली र बाँकी भू-भागमा मौसम सामान्यतया सफा रहनेछ भने आइतबार देशको पहाडी भू-भागमा आंशिकदेखि सामान्य बदली रही बाँकी भू-भागमा मौसम आंशिक बदली रहने छ ।
काठमाडौंमा आज बिहान ६ बजेको तापक्रम ६.५ डिग्री सेल्सियस रहेको छ । बिहान ६ बजेको न्यूनतम तापक्रम ६.५ डिग्री सेल्सियस मापन गरिएको मौसमविद् राजु प्रधानाङ्गले जानकारी दिए ।
उनका अनुसार दिउँसो काठमाडौंको तापक्रम २८ देखि ३० डिग्री सेल्सियससम्म पुग्ने छ । काठमाडौंमा आज मौसममा बदली हुने छैन ।
