राक्सिराङ्ग गाउँपालिकामा ३ दिन सार्वजनिक बिदा
सेरोफेरो आज |
काठमाडाैं – मकवानपुरकाे राक्सिराङ्ग गाउँपालिकाले तीन दिन सार्वजनिक बिदा दिएकाे छ । इसाई धर्मावलम्बीकाे पर्व क्रिसमस मनाउन पालिकाले तीन दिन सार्वजनिक बिदा दिएकाे हो ।
गाउँपालिकाले आज शनिवार एक विज्ञप्ति निकालेर क्रिसमस मनाउन गाउँपालिकाले पुस ८, ९ र १० गते सार्वजनिक बिदा दिएकाे जानकारी गराएकाे छ ।
यस अवधिमा गाउँपालिकाभित्रका सार्वजनिक कार्यालय, सरकारी कार्यालय, शिक्षण संस्था एवम् बैंक तथा वित्तीय संस्थाहरू बन्द रहने सूचनामा उल्लेख छ । 
