च्याउ खाँदा एकै परिवारका ३ जनाको अवस्था गम्भीर

विराटनगर – बारीमा उम्रिएको च्याउ खाँदा मोरङको पथरीशनिश्चरे नगरपालिका-७ जनप्रीय चोकमा सोमबार एकै परिवारका ३ जना गम्भीर बिरामी परेका छन्।

तरकारी बनाएर च्याउ खाएको केहीबेरमा ७० वर्षीय सन्तमान लिम्बू, छोरा ४० वर्षीय भीमबहादुर लिम्बू र बुहारी ३२ वर्षीया टंकरानी लिम्बू बिरामी परेका हुन्। लिम्बू परिवारले आफ्नै बारीमा उम्रिएको च्याउ पकाएर खाएको पाइएको प्रहरीले जनाएको छ।

उनीहरूलाई उपचारका लागि विराटनगरको नोबेल शिक्षण अस्पताल भर्ना गरिएको छ।