एमाले केन्द्रीय कमिटी बैठक : १६ प्रस्ताव पारित (पूर्णपाठ)

काठमाडौं – नेकपा एमालेको केन्द्रीय कमिटीको पाँचौँ बैठक आज (शनिबार) सकिएको छ । केन्द्रीय कार्यालयमा तीन दिनसम्म चलेको बैठकले विभिन्न १६ वटा समसामयिक प्रस्तावहरू पारित गरेको छ ।

बैठकले अस्थिरता र अराजकताका प्रवृत्तिहरू झाँगिन खोजेको निष्कर्ष निकाल्दै यस्तो अवस्थामा राष्ट्रिय हित र स्वाभिमानको रक्षा गर्न, भ्रष्टाचार नियन्त्रण र सुशासनको प्रत्याभूति गर्न, राजनीतिक क्षेत्रमा देखा परेको अस्थिरताका प्रवृत्तिहरूलाई नियन्त्रण गर्दै स्थायित्व र स्थिरता कायम गर्न र सामाजिक क्षेत्रमा हुर्किदै गएको अराजकतालाई नियन्त्रण गर्दै सामाजिक सद्भाव र एकता कायम गर्न देशका प्रमुख राजनीतिक पार्टीहरुबीच न्यूनतम समझदारी बन्नु आवश्यक रहेको ठहर गरेको छ ।

केन्द्रीय कमिटीको बैठकले राष्ट्रिय राजनीतिक दलहरूका बीचमा समझदारी निर्माणका लागि पहलकदमी लिने निर्णय समेत गरेको छ ।

यस्ता छन् प्रस्तावहरू