रामेछापको लेखर्कमा पहिरो : दुई जनाको मृत्यु, आठ जना बेपत्ता
सेरोफेरो आज |
काठमाडाैं – रामेछापको लेखर्कमा पहिरोमा परेर दुई जनाको मृत्यु भएको छ । आठ जना बेपत्ता भएका छन् । रामेछापको दोरम्बा शैलुङ गाउँपालिका-३ लेखर्कमा गएराति १० बजेतिर झरेको ठूलो पहिरोले हो ।
पहिरोले छ वटा घर बगाएको गाउँपालिकाका उपाध्यक्ष खमला थापामगरले जानकारी दिए । चण्डिका थापामगर र एउटा बालकको शव भेटिएको छ । अरू आठ जना हराइरहेका उनले बताए ।
पहिरोले पाँच वटा घर बगाएर अँधेरी खोलामा पुर्याएकाले घरहरु कहाँ पुगे भन्ने थाहा छैन । घरकै नामनिशान नभएकाले हराइरहेका मानिस खोज्न पनि समस्या भएको उपाध्यक्ष थापामगरको भनाइ छ ।
पहिरोपछिको बाढीले एउटा पक्की पुल पनि बगाएको छ । अहिले घटनास्थलमा नेपाली सेना र नेपाल प्रहरी पुगेर खोजी सुरु गरेका छन् ।
