टिकटक बन्द अभियानमा उत्रिए युवा
सेरोफेरो आज |
सप्तरी – सामाजिक सञ्जालको दुरुपयोग हुन थालेपछि सप्तरीका युवाहरु टिकटक एप बन्द अभियानमा जुटेका छन् । ‘टिकटक बन्द संघर्ष समिति सप्तरी’द्वारा राजबिराजमा आयोजित प्रदर्शनमा युवाहरुको व्यापक सहभागिता देखिएको छ ।
टिकटक बन्द गर, चीनीयाँ एप बन्द गर, टिकटकमा अश्लील भिडियो बनाउनेलाई कारबाही गर, आफ्नो संस्कृति बचाऊ लगायतका नारासहित युवाहरुले व्यापक विरोध प्रदर्शन गरेका हुन् ।
टिकटक बन्द संघर्ष समिति, सप्तरीद्वारा आयोजित विरोध कार्यक्रममा सहभागी युवाहरुको जुलुशले नगर परिक्रमा गर्दै जिल्ला प्रशासन कार्यालय सप्तरी र जिल्ला प्रहरी कार्यालय सप्तरी राजबिराज समेतमा ज्ञापन पत्र बुझाएको टिकटक बन्द संघर्ष समिति अभियानका जिल्ला संयोजक सचिदानन्द यादवले बताए ।
एपकै कारण समाजमा अश्लीलताले सीमा नाघ्दै भोजपुरी, मैथली, नेपाली गीत संगीतलाई समेत खिल्ली उडाउने गरि व्यापक दुरुपोग भएकाे उनीहरुकाे भनाइ छ ।
