एकतर्फी खुल्यो पृथ्वी राजमार्ग
सेरोफेरो आज |
काठमाडाैं – मौवाखोलामा पहिरो खसेर अवरुद्ध भएको पृथ्वी राजमार्ग एकतर्फी सञ्चालनमा आएको छ । बिहीवार बिहान पहिरो पन्छाएपछि राजमार्ग एकतर्फी सञ्चालनमा आएको इलाका प्रहरी कार्यालय मुग्लिनकी प्रहरी निरीक्षक निरला भण्डारीले जानकारी दिइन् ।
राजमार्ग दुईतर्फी नै खुलाउन सडक डिभिजन कार्यालयको ‘स्काभेटर’को प्रयोग गरेर पहिरो पन्छाउने काम भइरहेको उनले बताइन् । पहिरोका कारण बिहीवार सबेरै गन्तव्यमा हिँडेका सवारी साधन सडकमा नै रोकिएका थिए ।
अहिले पुनः सञ्चालनमा आएका छन् । सडक विस्तारका क्रममा रहेको पृथ्वी राजमार्गमा बर्खा शुरू भएसँगै पटक-पटक पहिरो खसेर सवारी आवागमन अवरुद्ध हुने गरेको छ ।
