पहिरोबाट बाँच्न भागेका २ जना भारतीयलाई खोलाले बगाएपछि…
सेरोफेरो आज |
दाङ – दाङमा २ जना भारतीय नागरिकलाई खोलाले बगाएकाे छ । प्युठानको स्वर्गद्वारी मन्दिरको दर्शन गरेर फर्किँदै गरेका उनीहरुलाई सुरई खोलाले बगाएको हाे ।
खाेलाले बगाएकामध्ये दुई मध्ये एक जनाको शव भेटिएको र अर्का एक जनाको खोजी भइरहेको जिल्ला प्रहरी कार्यालय कपिलवस्तुले जनाएको छ । लु २ ख २७१६ नम्बरको गाडीमा रहेका भारतको सिद्धार्थनगरका १७ वर्षका निखिल कौशाल र १८ वर्षका सुरज सोनीलाई खोलाले बगाएको हो ।
प्युठानबाट फर्किँदै गरेका उनीहरू कपिलवस्तुको शिवराज नगरपालिका वडा नम्बर १ मा पर्ने धानखोलामा पहिरो जान थालेपछि चालकले गाडीबाट ओर्लन भनेको र कौशल र सोनी गाडीबाट ओर्लिएर भाग्ने क्रममा खोलाले बगाएको प्रहरीले जनाएको छ ।
