प्रतिनिधिसभा सदस्य निर्वाचन
झापा-५ मा बालेन शाह विजयी, रचे इतिहास
काठमाडाैं – प्रतिनिधिसभा सदस्य चुनावमा झापा क्षेत्र नम्बर-५ मा राष्ट्रिय स्वतन्त्र पार्टी (रास्वपा) का वरिष्ठ उपाध्यक्ष बालेन्द्र (बालेन) शाह विजयी भएका छन् ।
केहीबेरअघि सकिएकाे मतगणनामा बालेन ४९ हजार ६१४ मतान्तरले विजयी भएका हुन् । बालेनले ६८ हजार ३४८ मत प्राप्त गर्दा उनका प्रतिस्पर्धी नेकपा एमालेका अध्यक्ष एवम् पूर्वप्रधानमन्त्री केपी शर्मा ओलीले १८ हजार ७३४ मत प्राप्त गरेका छन् ।
एमाले अध्यक्ष ओली झापामा दोस्रो पटक पराजित भएका हुन् । यसअघि २०६४ सालको पहिलो सविधानसभा चुनावमा ओली तत्कालीन नेकपा माओवादीका विश्वदीप लिङ्देनसँग पराजित भएका थिए ।
बालेन शाह प्रतिनिधिसभा चुनाव इतिहासमा सबैभन्दा बढी मत ल्याएर विजयी भएका हुन् । यसअघि यही चुनावमा चितवन क्षेत्र नम्बर ३ बाट रास्वपाकै साेविता गाैतम ५९ हजार २७७ मत ल्याएर विजयी भएकी थिइन् ।
