डेंगुको संक्रमणबाट दाङमा एक जनाको ज्यान गयो

दाङ – डेंगुको संक्रमणबाट दाङमा एक जनाको ज्यान गएको छ । प्रहरीका अनुसार मृत्यु हुनेमा घोराही उपमहानगरपालिका- १४ निबासी ४० वर्षीया माया कुमारी बिसी रहेकी छन् ।

उनी उपचारका लागि सोमबार बिहान घोराहीको राप्ति स्वास्थ्य विज्ञान प्रतिष्ठानमा भर्ना भएकी थिइन् । उनलाई आइतबार डेंगु पुष्टि भएको थियो। अक्सिजन लेभल र प्रेसर घटेर उनको मृत्यु भएको प्रतिष्ठानका चिकित्सकलाई उदृत गर्दै प्रहरीले जनाएको छ ।

पछिल्लो समय दाङमा डेंगु संक्रमित हुनेको संख्या बढ्न थालेको छ । प्रतिष्ठानका अनुसार उपचारका लागि आउने ४ देखि ५ जनामा दैनिक डेंगु देखिन थालेको छ ।